Home
Il-Kunsill Lokali jifrah lill Club u l-Qaddifa tar-Regatta tal-Kalkara PDF Print E-mail
Written by webmaster   
Wednesday, 27 April 2011 21:06

Il-Kunsill Lokali tal-Kalkara jifrah lill Qaddiefa u l-Club tar-Regatta tal-Kalkara ghas success miksub fit-tigrija ta' Jum il-Helsien 2011

It-Team tar-Regatta Club Kalkara

Kalkara Regatta Klabb

 

Huwa fatt magħruf li l-madwar tal-Port il-Kbir minn dejjem kien il-benniena tar-Regatta Nazzjonali. Id-distretti tal-Kottonera flimkien ma' dak tal-Kalkara għandhom storja glorjuża fir-rebħ tax-Shield u bosta paljijiet prestiġġjużi.

                    Matul is-snin sittin u l-bidu ta' snin sebgħin, assistejna għall-glorji tal-Kalkara, distrett li dakinhar kien pjuttost żagħżugħ ħdejn id-distretti tal-Kottonera. Fis-snin ta' wara għalkemm lejn il-Kalkara ix-Shield ma ġietx, ir-rebħiet tal-paljijiet ma naqsux.

                    L-istorja tirrepeti ruħha kif jgħidu, u f'dawn l-aħħar snin id-distrett żagħżugħ Kalkariz qed ikollu s-suċċessi tiegħu ukoll. Dan il-Klabb investa bis-sħiħ fiż-żgħażagħ, b'mod partikolari fil-kategorija 'B' tar-Regatta Nazzjonali. Fl-aħħar sentejn dejjem konna meqjusa fost il-favoriti, fejn fis-sena 2008 ix-Shield ma ġietx il-Kalkara għall-erba' punti biss. Finalment wara hidma bla heda, f’ Marzu 2010 ergajna ksibna success fennominali li hadd qatt ma jista’ jikser. Dan il-fatt hu li minn hames tigrijiet ksibna hamsa fl-ewwel post f’kategorija ‘B’ biex safratant irnexxilna ingibu is-success tax-shield fil-Kalkara wara xejn inqas minn erbajn sena. Fl-istess sena imsemmija, imma f’Settembru ergajna ksibna success iehor meta ergajna irritornajna ghar-rebh tax-shield, biex b’hekk ghamilna ‘double’ fis-sena 2010.

                   Il-mira tal-klabb Kalkariż kienet li dawn iż-żgħażagħ li qed jiksbu daqs tant suċċess f'kategorija 'B' jiġu promossi għall-kategorija 'A'. Hekk gara fil-fatt f’Marzu ta’ din is-sena , fejn dan il-grupp tant kompatt ta’ qaddiefa gew promossi ghal-kategorija ‘A’. Dan ifisser li il-klabb taghna tela’ targa ohra fl-istorja tar-Regatta Nazzjonali, u ghalhekk is-sagrifficju u dedikazzjoni dejjem tikber. Pero jekk ma jkunx hekk ir-rizultat ma jinkisibx f’kwalunkue haga. F’Marzu li ghadda f’kategorija ‘A’ ksibna tlett paljiet tant prestiggjuzi li konna ilna hafna ma naraw fil-lokal taghna. Tnejn minnhom kien wara xulxin infilla fl-ewwel post. Tghidli u f’kategorija ‘B’ sfaxxa kollox? Da zgur li le, imma ahna dejjem nemmnu fil-potenzjal taz-zghazagh, u ghalhekk tajna hafna opportunitajiet lill-tfal mill-Kalkara biex jipprattikaw dan l-isports tradizzjonali.

                   Ghal daqstrant dan huwa it-tarag li rega tiela il-klabb tant ghal-qalb il-Kalkarizi kollha.

 Norbert Grech

Vici Sidku

President Kalkara Regatta 

Last Updated ( Sunday, 22 May 2011 16:52 )
 
Kalkara Local Council